Сырдык Өйдөбүл
Ахсынньы 2 күнүгэр Гуманитарнай чинчийии институтугар Сардана Платоновна Соловьева – Ойуунускайа 90 саһыгар аналлаах төгүрүк остуол ыытылынна. Сардаана Платоновна – саха фольклорун уонна литературатын биллиилээх чинчийээччи, П.А. Ойуунускай суруйууларын 3 томнаах таһаарыыларын оҥорооччу, киирии ыстатыйаларын автора.
Аҕатын сырдык аатын үйэтитиигэ тус улахан кылаатын киллэрбит чинчийээччинэн буолар.
Төгүрүк остуол маннык хайысхаларынан ыытылынна:
С.П. Ойуунускайа биографията уонна айар личность сайдыыта
С.П. Ойуунускайа фольклорист
С.П. Ойуунускайа литературовед
С.П. Ойуунускайа Платон Ойуунускай үлэлэрин таһаарыыга уонна тылбаастааһыҥҥа киллэрбит кылаата
П.А. Ойуунускай литературнай уонна научнай нэһилиэстибэтэ.
Национальнай интеллигенция уонна репрессированнай литература ХХ үйэ чинчийиилэригэр
Төгүрүк остуол аһыллыытыгар Россия наукаларын академиятын Сибиирдээҕи салаатын Гуманитарнай чинчийии уонна хотугу аҕыйах ахсааннаах омуктар проблемаларын институтун дириэктэр историческай наука доктора С.И.Боякова, Сардаана Платновна кыыһа Соловьева Мария Сергеевна, М.К.Аммосов аатынан Хотугулуу-Илиҥҥи Федеральнай Университет филологическай факультетын нуучча тылыгар кафедратын старшай преподавтаелэ эҕэрдэ тылы эттилэр.
Төгүрүк остуолу Н.В. Покатилова ф.н.д., профессор, Гуманитарнай чинчийии уонна хотугу аҕыйах ахсааннаах омуктар проблемаларын институтун сүрүн научнай сотруднига., фольклористика и литературоведение отделын салайааччыта иилээн-саҕалаан ыытта. Барыта 15 киһи 8 наука кандидата, 3 наука доктордара, биир суруйааччы, культура, үөрэҕирии эйгэтин үлэһиттэрэ кыттыыны ыллылар.
«Симэх» норуот ускуустубатын уонна уус-уран оҥоһуктарын Национальнай Киинин салаатын салайааччыта Осипов Дмитрий Константинович «Сардана Ойуунускайа уонна Чөркөөх музейын директора Людмила Григорьева» диэн теманан кытынна. Сардаана Платоновнаны 1999 сыллаахха устубут видеотун көрдөрдө. Тематын толору арыйан сиһилии кэпсээтэ.
